Nachdäm mer vo mitem Car vo Solothurn z Langethau acho si, hei mer nis afe mou ufteut und si go mache was me haut so macht. Umzieh, öppis ässe, dumm schnore, oder eifach no eis go nä… när hei mer nis de individuell am Würgerbau troffe. D stimmig isch super gsi und Lüt het’s gha. U de isch de ou scho schnäu mou wider Zyt gsi zum go d Instrumänt hole und nis langsam füre Uftritt parat z’mache.
Mitem Conquest hei mer gstartet u när hei mer no äs paar witerei vo de nöie Lieder zum Beschte gä und s Ganze hei mer mit es paar Klassiker vom letschte Johr abgrundet. D Stimmig i dere Hütte isch der Hammer gsi, eifach aus geili Sieche! D Core isch de ömu ou zimmli zfride gsi mit dere Ganze sach u de hei mer nachem Instrumänt verrume der Obe no lo usklinge. Der Car isch rächt früeh wider zrugg uf Madis gfahre, aber me dänkt, dass der eint oder anger no nid grad diräkt hei isch… 😉